Benvidos ao blog do proxecta + Escola Verde do IES Breamo!
Neste espazo, imos compartir as nosas iniciativas e actividades orientadas a mellorar o comportamento ambiental da nosa escola e a concienciación sobre a sostibilidade. O programa Escola Verde é un esforzo conxunto que pretende fomentar a acción e a reflexión sobre os retos ambientais que afrontamos, e está orientado a que cada un de nós poida achegar o seu gran de area cara a un futuro máis sostible.
Que é Escola Verde?
Escola Verde é unha iniciativa promovida pola Xunta de Galicia que busca integrar a educación ambiental na vida diaria dos centros educativos. A través de accións prácticas e colaborativas, o programa pretende sensibilizar ás novas xeracións sobre a importancia do coidado do medio ambiente e promover cambios reais na nosa contorna. Pódense atopar máis detalles sobre este proxecto na súa web oficial.
Vinculación cos ODS da Axenda 2030
Escola Verde está vinculado cos Obxectivos de Desenvolvemento Sustentable (ODS) da Axenda 2030 seguintes:
ODS 13: Acción polo clima
ODS 6: Auga limpa e saneamento
ODS 7: Enerxía accesible e non contaminante
ODS 11: Cidades e comunidades sustentables
ODS 15: Vida de ecosistemas terrestres
Participa e Implicáte!
Animámosvos a todos a seguirnos neste blog para estar ao tanto das nosas actividades, proxectos e eventos. Ademais, queremos escoitar as vosas ideas e propostas para seguir facendo do noso centro un exemplo de sostibilidade e compromiso co medio ambiente.
Xuntos podemos facer unha gran diferenza. Participa, aprende e axúdanos a construír un futuro mellor e máis verde!
No comments:
Post a Comment