Parabéns, Luís Chacón!

O Equipo Escola Verde quere felicitar ao noso querido Luís Rodríguez Chacón, no ascenso á Segunda División do fútbol coa Cultural Leonesa.

Con traballo constante, humildade e unha paixón desbordante polo deporte rei, que o esforzo ten recompensa. É un exemplo para todos nós de compromiso e entrega.

O seu ascenso non só é merecido, senón tamén motivo de orgullo para todos os que o seguimos de preto.

En Segunda División, Luís terá diante de si rivais de alto nivel, estadios históricos e unha plataforma perfecta para seguir medrando como futbolista. Non temos dúbida de que deixará pegada tamén nesta nova etapa.

Desde aquí, enviámosche a nosa máis sincera noraboa.

Imos, Luís! A Segunda é só o comezo!

Grazas ao Racing de Ferrol e a Real Federación Española de Fútbol pola súa colaboración

 Grazas á Real Federación Española de Fútbol e ao Racing Club de Ferrol pola súa colaboración co proxecto Fíos in Action

Desde o equipo de Fíos in Action, proxecto integrado dentro do programa Escola Verde, queremos expresar o noso máis sincero agradecemento á Real Federación Española de Fútbol e ao Racing Club de Ferrol pola súa xenerosa colaboración ao noso proxecto. 

Ambas as dúas entidades tiveron a amabilidade de cedernos diversas prendas deportivas —equipacións da selección española masculina e feminina, de fútbol sala, así como roupa de adestramento e pezas antigas do Racing de Ferrol— co obxectivo de participar neste proxecto educativo centrado na reflexión crítica sobre o fenómeno da fast fashion e a moda circular.

Lamentablemente, por circunstancias alleas á nosa vontade, non foi posible levar a cabo as actividades do  proxecto tal e como estaban previstas, e as prendas están a ser devoltas ás súas entidades correspondentes, co máximo respecto e agradecemento pola súa disposición e apoio desde o primeiro momento.

Queremos destacar o valor desta colaboración, que amosa o compromiso tanto da Federación como do Racing de Ferrol coa educación ambiental e coa sensibilización do alumnado cara a un consumo máis responsable e sostible.

Agardamos poder retomar esta iniciativa no futuro e seguir contando con aliados tan comprometidos coas causas sociais e educativas.

Moitas grazas de novo pola vosa xenerosidade e confianza.

O equipo de Fíos in Action
Programa Escola Verde #rfef #racingferrol #escolaverde#proxecta

Pontedeume acolle a experiencia inmersiva 'Os ODS son glocais'

Onte, a vila de Pontedeume converteuse nun espazo de aprendizaxe e sensibilización coa experiencia de realidade virtual 'Os ODS son glocais”

🏫 A xornada comeza no IES Breamo onde o alumnado  de Escola Verde puido mergullarse nesta exposión sobre os Obxectivos de Desenvolvemento Sustentable (ODS) .

🏥 A actividade trasladouse posteriormente ao Centro de Saúde de Pontedeume, ofrecendo tamén á cidadanía a oportunidade de coñecer os ODS dun xeito inmerso e innovador.

Esta iniciativa destaca por combinar innovación tecnolóxica con valores globais, demostrando que a cooperación e a solidariedade son ferramentas clave para transformar o mundo desde o local, convertendo nun lugar mellor.

Parabéns a Pontedeume por acoller esta proposta tan enriquecedora e ao Fondo Galego de Cooperación e Solidariedade por impulsar proxectos que unen coñecemento, innovación e compromiso social.

Grazas, Luís Chacón, por sementar compromiso!

Hoxe queremos compartir con toda a comunidade educativa unha nova que nos enche de ledicia e gratitude. O futbolista Luís Rodríguez Chacón, quixo colaborar co noso proxecto de voluntariado Escola Verde doando unha fotografía e unha camiseta asinada por el.

Este detalle tan especial é moito máis ca un agasallo, é unha mostra de que os valores do deporte —esforzo, solidariedade, respecto e compromiso— tamén poden medrar fóra dos campos de xogo. A camiseta e a foto de Luís serán parte das nosas accións de sensibilización e recadación para seguir promovendo o coidado do medio ambiente e a participación activa no voluntariado.

Desde o equipo de Escola Verde queremos lembrarvos que podemos poñer o noso gran de área para constrúir un mundo mellor.

Grazas, Luís, por estar do noso lado. Grazas por crer no poder da educación, da natureza e da solidariedade.

Novo contedor de roupa no IES:

 

Novo contedor de roupa no IES: Reciclar tamén é vestir con conciencia

Dende o pasado mes de marzo, o IES Breamo conta cun contenedor de recollida de roupa usada grazas á colaboración coa empresa Insertega, unha empresa especializada na reciclaxe téxtil fundada en 2013 e ten a súa sede en Arteixo, A Coruña.

​Insertega é a primeira empresa galega dedicada en exclusiva á xestión do residuo téxtil. A súa actividade céntrase na aplicación das 3R: reducir o consumo de recursos naturais, reutilizar prendas en bo estado e reciclalas para minimizar o impacto ambiental. A empresa conta cunha rede de máis de 350 colectores de residuos téxtiles en Galicia e xestiona tanto residuos domésticos como industriais, transformando aqueles que non poden ser reutilizados en materia prima para outras industrias, como revestimentos, pintura ou mobiliario. 

Este novo recurso está situado na entrada principal do instituto, accesible tanto para o alumnado como para o persoal docente e as familias. O obxectivo é fomentar o consumo responsable e a reutilización de prendas, reducindo así o impacto ambiental da industria da moda, unha das máis contaminantes do planeta.

A iniciativa xorde como parte das accións do noso proxecto de sustentabilidade escolar, vinculado ao programa Escolas Verdes, e en liña co traballo que se leva desenvolvendo nas aulas sobre a moda rápida (fast fashion), o consumo consciente e a economía circular.

É importante lembrar que o contedor está destinado a recoller roupa en bo estado, calzado e complementos que poidan ter unha segunda vida.  Insertega encárgase de clasificar, reutilizar e reciclar estas pezas. 

Desde o IES animamos a toda a comunidade educativa a participar nesta acción, non só como un xesto puntual, senón como parte dun cambio de mentalidade cara a un consumo máis consciente e responsable.

Porque reciclar é moito máis que separar residuos: tamén é darlle unha segunda vida ao que xa non usamos e pensar no mundo que queremos construír. Grazas por sumar!

Pilabot: Un Programa de Reciclaxe Sostible

 No IES Breamo seguimos apostando pola ciencia e a sustentabilidade a través de diferentes iniciativas.

Os alumnos de 2º de ESO participaron recentemente nunha charla sobre Pilabot, un programa que promove a recolección e reciclaxe de pilas usadas. Durante a sesión, tomaron conciencia do impacto ambiental destes residuos e da importancia de xestionalos correctamente para protexer o medio ambiente.

Pilabot: Un Programa de Reciclaxe Sostible

O programa Pilabot é unha iniciativa innovadora que busca fomentar prácticas sostibles entre os máis novos. A través de charlas educativas e actividades prácticas, o programa ensina aos estudantes a importancia de reciclar pilas e acumuladores, que poden ser moi prexudiciais para o medio ambiente se non se tratan correctamente.

Impacto Ambiental das Pilas

As pilas usadas conteñen metais pesados e substancias tóxicas que poden contaminar o solo e a auga, causando graves danos ao ecosistema. Por iso, é esencial que se recollan e reciclen adecuadamente. Durante a charla, os alumnos aprenderon sobre os efectos nocivos destas substancias e como a reciclaxe axuda a mitigar estes impactos.

Compromiso do IES Breamo coa Sustentabilidade

Esta iniciativa é só un exemplo do compromiso do IES Breamo coa sustentabilidade. Ademais de participar en programas como Pilabot, o centro leva a cabo outras actividades orientadas a promover o respecto polo medio ambiente, como proxectos de reciclaxe , campañas de redución de residuos e charlas sobre enerxías renovables.

Grazas a programas como Pilabot, os estudantes do IES Breamo están máis concienciados sobre a importancia da reciclaxe e a xestión sostible dos residuos. Estas iniciativas non só fomentan un comportamento responsable entre os máis novos, senón que tamén contribúen a construír un futuro máis sostible para todos.

ENGADIR FOTO

Celebrando ás Mulleres Científicas no IES Breamo

  Celebrando ás Mulleres Científicas no IES Breamo

Para conmemorar ás mulleres científicas, os estudantes da ESO tiveron a sorte de recibir a visita de Lola Garabana, científica eumesa do Instituto Español de Oceanografía. Con ampla experiencia no estudo da reprodución de especies mariñas e en expedicións científicas nas augas de Terranova e da costa africana, Lola compartiu co alumnado a súa traxectoria profesional e destacou o papel fundamental da investigación na conservación dos océanos.

Unha Científica Inspiradora

Durante a charla, Lola Garabana falou sobre os seus estudos e traballos de campo, proporcionando exemplos concretos de como a ciencia pode contribuír á preservación do medio mariño. Os estudantes tiveron a oportunidade de aprender de primeira man sobre as técnicas de investigación que se utilizan para estudar a reprodución de especies mariñas e as dificultades e éxitos que se atopan nas expedicións científicas.

Despertando Vocacións Científicas

A visita de Lola foi, sen dúbida, unha experiencia enriquecedora que axudou a despertar vocacións científicas entre o alumnado. Ademais, resaltou a importancia de visibilizar o labor das mulleres na ciencia, promovendo a igualdade de xénero e fomentando a participación feminina en áreas científicas e tecnolóxicas.

Esta charla inspiradora destacou non só a importancia da investigación para a conservación dos océanos, senón tamén o valioso papel das mulleres na ciencia. No IES Breamo, seguiremos traballando para promover a ciencia e a sustentabilidade, e para ofrecer ao noso alumnado oportunidades de aprendizaxe que lles permitan desenvolver todo o seu potencial.

Ademais durante esta semana desenvolvéronse outras actividades relacionadas co día da muller e a nena na ciencia como diferentes partidas dos nosos xogos de mesa: